काठमाडौं । इन्डियन आइडलको तेस्रो संस्करणका विजेता तथा चर्चित गायक प्रशान्त तामाङको निधन भएको छ । आइतबार हृदयघातका कारण उनको निधन भएको हो ।
चलचित्र निर्माता राजेश कौशलले तामाङकी श्रीमतीलाई उद्धृत गर्दै घटनाको पुष्टि गरेका छन् । पछिल्लो समय भारतको नयाँ दिल्लीमा बस्दै आएका तामाङको सोही स्थानमा निधन भएको बताइएको छ ।
भारतीय मूलका नेपालीभाषी गायक तामाङ सन् २००७ मा भारतीय टेलिभिजन रियालिटी शो ‘इन्डियन आइडल सिजन–३’ को विजेता बनेपछि चर्चाको शिखरमा पुगेका थिए । उनको विजयले विश्वभरका नेपालीभाषीलाई एकताको सूत्रमा बाँधेको थियो ।
