काठमाडौं । निजी जेट लिएर बिहीबार दिउँसो दुबईबाट काठमाडौं ओर्लिएका वलिउड अभिनेता सञ्जय दत्त (सञ्जु) आज पशुपतिनाथमा विशेष पूजा लगाएपछि दिल्ली फर्किने तयारीमा छन् ।
केशरमहलस्थित होटल बाराहीको हाताभित्र सञ्चालित क्यासिनो बादशाहको उद्घाटन गर्न सञ्जु काठमाडौं आएका हुन् । आउनासाथ दरबारमार्गस्थित होटल याक एण्ड यतिमा बसे । तर, त्यहाँको बसाइँ राम्रो नलागेपछि हिजै साँझ लाजिम्पाटस्थित होटल दुसित प्रिन्सेसमा बसाइँ सरे ।
उनको काठमाडौं यात्राको सहजीकरण व्यवसायी निर्भान चौधरी र विष्णुहरि पोण्डेले गरेका थिए। बिहीबार विमानस्थलबाट याक एण्ड यति पुगेर फ्रेस भएपछि सञ्जुले खुमलटारस्थित नेकपा संयोजक पुष्पकमल दाहाल ‘प्रचण्ड’ सँग भेटेका थिए । उनलाई व्यवसायी पाण्डेले आफ्नै गाडीमा खुमलटार लिएर गएका हुन् ।
