जेठ २५ २०७८,मंगलबार

बाँके जिल्लामा कोरोना संक्रमण घटेसँगै कोहलपुर स्थित नेपालगञ्ज मेडिकल कलेजले आफ्नो नियमित बहिरंग सेवालाई निरन्तरता दिएको छ ।
जिल्लामा कोरोना संक्रमण माहामारीकै रुपमा फैलन थालेपछि अस्पतालले बहिरंग सेवा बन्द गरेर संक्रमितको मात्रै उपचार गर्दै आएको थियो । कोरोना भाइरस सङ्क्रमण घटेसँगै आइतबारदेखि नै अस्पतालको ओपीडी सेवा सञ्चालन गरिएको अस्पतालले जनाएको छ । कोरोना भाइरस सङ्क्रमणका बिरामी आउन कम भएपछि पहिले झै नियमित रुपमा ओपीडीलगायत सेवा सुरु भएको हो । अब अस्पतालले कोरोना भाइरस संक्रमित र संक्रमित नभएका दुवैको उपचार सेवा नियमित गर्नेछ । यसअघि नेपालगञ्ज मेडिकल कलेज नेपालगञ्जमा कोरोना भाइरस संक्रमित नभएका र शिक्षण अस्पताल कोहलपुरमा संक्रामित भएका बिरामीको उपचार हुँदै आएको थियो ।बाँके जिल्लामा कोरोना सङ्क्रमण दर घटेको जस्तो देखिएपनि छिमेकी जिल्लाहरुबाट आउने बिरामीको चाप घट्न नसकेकाले जोखिम कायमै रहेको अस्पतालले जनाएको छ ।