२०७८ अशोज ६, बुधबार

   2021, Sep 22 Wednesday

दार्चुला घटनामा भारतले सार्वजनिक रुपमा क्षमायाचना माग्नु पर्ने नारायणकाजी श्रेष्ठ को भनाई

२० श्रावण २०७८, बुधबार १९:२४


२० साउन २०७८, काठमाण्डौं


नेकपा माओवादी केन्द्रका नेता एवं राष्ट्रियसभा सदस्य नारायणकाजी श्रेष्ठले दार्चुला घटनामा भारतले सार्वजनिक रुपमा क्षमायाचना माग्नु पर्ने माग गर्नुभएको छ ।
बुधबार बसेको राष्ट्रियसभा बैठकमा श्रेष्ठले भारतीय सीमा सुरक्षा बलका व्यक्तिकै कारणबाट तुइनको तार काटिएका कारणबाट जयसिंह धामी महाकाली नदिमा वेपत्ता भएको भन्दै भारतले अभिलम्ब नेपाल र नेपाली जनतासँग सार्वजनिक क्षमायाचना गर्न माग गर्नुभएको हो ।
उहाले छानबिन समितिले उक्त घटनामा तत्काल सत्यतथ्य पत्ता लगाई दोषीलाई कारबाही र पीडितलाई राहतको व्यवस्था गर्नुपर्ने धारणा राख्नुभयो । दोषीलाई कारबाहीको माग तथा पीडित परिवारलाई तत्काल राहत र क्षतिपूर्तिको व्यवस्था गर्नुपर्ने र कूटनीतिक पहलबाट समाधान निकाल्ने प्रयास गर्नुपर्ने उहाले बताउनुभयो ।
श्रेष्ठले आफूहरुले अहिले पनि भारतसँग असल मैत्रपूर्ण सम्बन्ध कायम हुनुपर्नेमा जोड दिएको जिकिर गर्नुभयो । फरक प्रसंगमा उहाले प्रतिनिधिसभा विघटन हुनुमा तत्कालीन प्रधानमन्त्री केपी शर्मा ओली नभएर सबै राजनीतिक पार्टीहरुपनि जिम्मेवार रहेको बताउनुभयो ।
त्यस्तै बैठकमा एमालेका राष्ट्रियसभा सदस्य खिमलाल भट्टराईले दार्चुलामा भारतीय सीमा सुरक्षा बलले तुइन काट्दा नेपाली नागरिक हराएको विषयमा प्रधानमन्त्रीले भारतीय समकक्षीसँग किन कुरा नगरेको भनेर प्रश्न गर्नुभयो ।
भट्टराईले दार्चुला घटना सम्बन्धमा परमादेश सरकारले खुट्टा कमाएको आरोप लगाउनुभयो । भट्टराईले सरकारले भूमि आयोग खारेज गरेर लाखौं भूमिहीनको सपनामा कुठाराघात गरेको बताउनुभयो । त्यस्तै उहाले वर्तमान सरकारले जनतामुखी काम गर्ने संकेत नदेखाएको आरोप लगाउनुभयो ।
बैठकमा कांग्रेसका राष्ट्रिसभा सदस्य अनिता देवकोटाले दार्चुला घटनामा सरकारले निष्पक्ष छानविन गर्नुपर्ने बताउनुभयो । उहाले तुइत तर्नुपर्ने बाध्यात्मक अवस्थाको सदाका लागि अन्त्य गर्न सरकारको ध्यानाकर्षण गराउनुभयो । अव जनताले कुरा नभइ काम खोजेको भन्दै सरकारले जनताका लागि काम गर्नुपर्ने धारणा राख्नुभयो ।
उहाले कोरोनाको खोप सवै नागरिकलाई दिनका लागि सरकार गम्भीर हुनुपर्ने बताउनुभयो । त्यसअघि बैठकको शुन्य समयमा राष्ट्रियसभा सदस्यहरुले बिभिन्न बिषयमा सरकारको ध्यानाकर्षण गराएका थिए ।

Share on Social Media
  •  
  •  
  •  
  •  

Mega

TV

Mega Tv
Go to Mega TV