२०७८ साउन २१, बिहिबार

   2021, Aug 5 Thursday

जसपाले सरकारमा सहभागी ९ जना मन्त्रीलाई ७२ घण्टे स्पष्टीकरण सोध्ने तयारी

प्रकाशित मिति: ३० जेष्ठ २०७८, आईतवार १२:२१

२९ जेष्ठ २०७९, आइतबार


जनता समाजवादी पार्टी (जसपा)को उपेन्द्र यादव र बाबुराम भट्टराई पक्षले सरकारमा सहभागी ९ जना मन्त्रीलाई ७२ घण्टे स्पष्टीकरण सोध्ने तयारी गरेको छ ।
यादव– भट्टराई पक्षको शनिबार बसेको पदाधिकारी बैठकले प्रधानमन्त्री केपी शर्मा ओली नेतृत्वको कामचलाउ सरकारमा सहभागी भएका महन्थ ठाकुर र राजेन्द्र महतो पक्षका ९ जना मन्त्रीलाई ७२ घण्टे स्पष्टीकरण सोध्ने निर्णय गरेको हो । यसअघि जसपाको केन्द्रीय कार्यकारिणी समिति बैठकले महन्थ–राजेन्द्र पक्षका चार जनालाई स्पष्टीकरण सोधेको थियो । उनीहरुले जवाफ दिन इन्कार गरेको भन्दै अध्यक्ष महन्थ ठाकुर, वरिष्ठ नेता राजेन्द्र महतो तथा नेताहरु लक्षमणलाल कर्ण र सर्बेन्द्रनाथ शुक्ललाई पार्टीबाट निष्कासन गर्ने निर्णय उपेन्द्र–बाबुराम पक्षले गरेको थियो । ओली नेतृत्वको सरकारमा हाल जसपाबाट उर्जा, जलस्रोत तथा सिँचाइ मन्त्रीमा सरत्सिंह भण्डारी, उद्योग, बाणिज्य तथा आपूर्ति मन्त्री राजकिशोर यादव, खानेपानी मन्त्री अनिल झा, संस्कृति, पर्यटन तथ नगरिक उड्यन मन्त्री उमाशंकर अरगरिया, खेलकुद मन्त्री एकबाल मियाँ, महिला, वालवालिका तथा जेष्ठ नागरिक मन्त्री चन्दा चौधरी, श्रम, रोजगार तथा सामाजिक सुरक्षा मन्त्री विमल प्रसाद श्रीवास्तव, उर्जा, जलस्रोत तथा सिँचाइ राज्यमन्त्री चन्द्रकान्त चौधरी र महिला, बालवालिका तथा जेष्ठ नागरिक राज्यमन्त्री रेणुका गुरुङ रहनुभएको छ । यसअघि नै पार्टीले ओली सरकारका पक्षमा उभिनेहरुलाई निष्कासन गर्ने निर्णय गरिसकेको भए पनि ९ जना मन्त्रीलाई ७२ घण्टे स्पष्टीकरणको मौका दिन लागिएको स्रोतले जानकारी दिएको छ । आज सरकारमा सहभागि पार्टीका सबैलाई स्पष्टीकरण पत्र पठाइदैछ ।

Share on Social Media
  •  
  •  
  •  
  •  

Mega

TV

Mega Tv
Go to Mega TV