२०७८ बैशाख ३१, शुक्रबार

   2021, May 14 Friday

गोरखाका धुले सडक धमाधम पिच हुदै

प्रकाशित मिति: ११ चैत्र २०७७, बुधबार १२:११


गोरखामा ३५ किलोमिटर पक्की सडक थपिने भएको छ । ढुङ्गागाढे–बुङकोट १२ किलोमिटर र चोरकाटे– चित्रेपोखरीको १० किमि थप हुने पूर्वाधार विकास कार्यालयले जनाएको छ । गोरखा फिनाम सडक खण्डको चार किलोमिटर सहित २६ किलोमिटर सडक प्राथमिकतामा परेको योजना हो ।
अन्य साना–साना योजनामा ढलान हुने, थोरै पक्की हुने गरी करिब ३५ किलोमिटर सडक असार अगावै पक्की हुन्छ,’ पूर्वाधार विकास कार्यालयका प्रमुख दयाराम अधिकारीले भने । २५ किलोमिटर सडक भने ग्राभेल हुनेछ । जस अन्र्तगत ढोडेनी–अजिकोटको १४ किलोमिटर, रवर उद्योग–गोप्लिङ हुँदै पालुङटार नगरपालिका क्षेत्र जोड्ने आठ किलोमिटर गरी २२ किलोमिटर योजना अन्र्तगत नै ग्राभेल हुनेछ । बाँकी तीन–चार किलोमिटर साना योजनामा ग्राभेल हुने कार्यालय प्रमुख अधिकारीले बताए ।

प्रादेशिक सडक अन्र्तगत रुईला भञ्ज्याङ सडक निर्माण भईरहेको छ । यो क्रमागत योजना हो । प्रादेशिक ‘ख’ अन्र्तगत १४ योजना मध्ये चारवटा सम्पन्न भएको कार्यालय प्रमुख अधिकारीले बताए । ‘असारसम्म बाँकी पनि सकिन्छ,’ उनले भने ।
प्रादेशिक सडक ‘ग’ अन्र्तगत २५ वटा असार भित्र सक्नुपर्नेमा १० वटा सकिएको र बाँकी चलिरहेको छ । अन्य तीनवटा सडक योजनामा एउटा सकिएको, एउटा निर्माणाधिन छ भने अर्को क्रमागत योजना रहेको कार्यालय प्रमुख अधिकारीले बताए ।

स्थानीयतह बारपाक सुलिकोट, धार्चे र गण्डकी गाउँपालिकाको केन्द्र जोड्ने तीनवटा सडक योजना क्रमागत रहेको र अहिले काम भईरहेको छ । चालु वर्ष भित्र मर्मत गर्नुपर्ने २७ वटा सडक योजना मध्ये ३ वटा सकिएको र असार सम्म सबै सकिने कार्यालय प्रमुख अधिकारीले बताए ।

१० देखि १५ लाखका सामुदायिक भवन मर्मत सुधारको ११ वटा योजना सबै असारमा सक्छौं,’ उनले भने ‘सहकारी विकास तथा भवन र पार्क निर्माणका छ वटा योजनामा एउटा मात्रै सकिएको छ ।

Share on Social Media
  •  
  •  
  •  
  •  

Mega

TV

Mega Tv
Go to Mega TV